澳吧吧：隱世醉寧靜

喺好多人眼中，家陣嘅澳門係個旅遊熱點，尤其係賭場附近，更係長年人頭湧湧，卻原來喺呢個夜生活璀璨嘅繁華地段，竟然隱藏咗一間氣氛悠閒嘅隱世酒吧，佢就係Cheche Cafe！位處僻靜之地嘅佢，雖然招牌一啲都唔起眼，而外觀亦一啲都唔矚目，正正係呢種古樸嘅味道，令佢成為澳門人經常造訪嘅酒吧熱點。除咗悠然自得嘅氣氛外，酒吧提供嚟自葡萄牙嘅葡萄酒、世界各地嘅啤酒、烈酒等均一應俱全，為大家提供唔少嘅選擇。拎住美酒加上酒吧播放嘅輕快音樂，喺閣樓同老友把酒談心，都市煩躁感一掃而空。