七、八十年代係意大利情色喜劇電影最興盛嘅時期，而當年更湧現好多頂級火辣女星，好似之前為大家介紹過嘅歌莉亞姬坦及納迪亞凱絲妮。然而佢哋嘅演出多數只限於裸露，講到演出夠激，就一定要數有意大利波霸之稱嘅卡文羅素（Carmen Russo）喇。
卡文羅素喺1959年於意大利熱那亞出生，父親係警員，而阿媽就係戲院收銀員。小時候，卡文就被父母安排學習舞蹈，不過到完成初中之後，阿爸阿媽就覺得佢學跳舞冇乜前途，於是要佢入讀一間職業先修學校。由於卡文學習舞蹈嘅學校喺熱那亞首屈一指，如果繼續學習，佢可能已成為一代舞蹈名家都唔定。而轉校之後，卡文在學之餘亦做埋模特兒搵外快。13歲嘅時候，卡文已生得一副美人胚子，參加「利古里亞小姐選舉」仲勇奪冠軍，更憑此獲得參選意大利小姐嘅機會，之但係，由於佢年紀太輕，最後大會唔畀佢參選。後來，卡文舉家搬到羅馬生活，當時卡文對藝能界充滿憧憬，仲一個人搬到一間同羅馬影城相當近嘅公寓居住，夜晚就去夜總會唱歌同跳舞，第二朝就晨咁早入影城參與排隊試戲希望能成為演員，對於一個十來歲嘅後生女嚟講，咁嘅生活都幾艱苦。
憑住卡文嘅努力不懈，日日排長龍試戲，終於畀佢搵到一個演出嘅機會，作品就係《Di che segno sei ?》。後來，卡文更有份演出名導演費里尼嘅作品《La città delle donne》，可惜喺電影中佢只需露一露堅挺嘅巨乳而冇露面機會。經過一段日子，卡文嘅美貌同豐滿身材總算有人賞識，獲電影公司聘為正式演員，不過由於開工機會不多，呢段日子仍要落夜總會工作，同一時間卡文憑住驕人身段，加上敢於裸露而成為當時最高薪嘅知名裸體模特兒之一。成為知名模特兒幫助卡文搵到更多演戲機會，而其電影演出亦多以當時興起嘅情色喜劇為主，當中就以《色情殺手》演出最激。戲中卡文扮演一個作風豪放嘅雙性戀女殺手，經常作性感打扮以及全裸示人，仲同男演員肉搏連場，亦有同女演員合作嘅豆腐戲，甚至有兩女一男3P混戰，而每段肉搏戲卡文都同對手不停互啜，私處部分亦一樣有着墨之處，激情度直逼四仔，睇過嘅人都要直豎拇指！
撰文：賢