Pretty Girl（美麗女孩）係男士都鍾意，尤其係身材玲瓏浮凸嘅索女，更係至愛，故此唔少男士都鍾意睇日本同歐美嘅性感艷星，仲睇到相當Professional（專業）。其實喺情慾世界中，P字頭嘅情色話語仲有好多，以下就為大家介紹最為有趣嘅一部分。
日本有邊間AV製作公司以製作單體同素人演出而知名？答案就係Prestige！呢間創立於2002年2月，並以東京為基地嘅日本AV製作公司，以高質素女優而深得AV迷嘅歡心，當中尤以佢哋喺2009年簽下嘅明日花綺羅，更係招牌女優，就連家陣改名做水咲蘿拉，兼且喺內地紅到發紫嘅瀧澤蘿拉，都係由佢哋發掘出嚟。隨住明日花及水咲離巢後，家陣以童顏巨乳為賣點嘅彩美旬果作為台柱，深得AV迷嘅支持。講到Prestige嘅著名AV系列，分別有《素人娘出租》、《天然成分由來OOO汁100%》、《Water Pole》等。
男士多年以嚟都希望做到金槍不倒，因此搵盡各種辦法等佢哋可以夜夜笙歌。不過金槍不倒還金槍不倒，若然患上Priapism嘅話卻唔係講笑！Priapism係個醫學名詞，意思解作陰莖持續勃起症。患有呢種病症嘅人縱然喺冇性慾嘅情況下，兵器仍然堅挺。有醫生表示若然兵器長達4小時不倒（另一種講法係6小時）嘅話，就算係陰莖持續勃起。產生呢種病症嘅原因有兩種，分別係靜脈阻塞同動脈血注入，當中以前者最為常見。
係男士都希望擁有超巨型嘅兵器，而我哋形容一啲超巨型嘅兵器時，通常會用到如意棒、神兵、巨棒等嘅詞語，其實喺英文世界同樣有呢啲詞語，佢就係Penicorn！Penicorn意思解作神話級數嘅兵器，意思嚟自獨角獸嘅英文Unicorn。皆因獨角獸嘅角又大又威猛，正好形容男士嘅巨棒。講到神級巨棒，就唔可以唔提美國男士Jonah Adam Falcon。作為演員同埋作家嘅佢，竟然擁有長達9吋半嘅巨棒，而當佢進入作戰狀態時，巨棒更長達13吋半，絕對係名副其實嘅Penicorn！
美國嘅著名脫星有好多，而Porsche Lynn就係其中一位。呢位出生於1962年2月14日嘅脫星，自1986年出道至2008年引退嘅22年間，總共演出超過367套四仔，當中有5套更兼任導演，並且分別喺1988年XRCO頒獎禮中獲得最佳新進脫星，及1994年憑住《Servin' it Up》喺AVN頒獎禮中獲得最佳女配角殊榮。此外，佢更係XRCO及AVN嘅名人堂成員。不過講到最厲害嘅地方，就係佢曾經為自己對美腿投保一百萬美元，雖然四仔界美腿脫星有好多，但能夠做到學似Porsche咁為美腿高額投保，佢都算係第一個。
人類嘅陽物大家就見得多，只係動物界嘅陽物唔知又見過未呢？冰島有間名為Phallological Museum嘅博物館，就收藏咗世界上大量動物嘅陽物，更係全球唯一專門收藏陽物嘅地方。由歷史學家Sigurður Hjartarson喺1997年創辦嘅博物館，至今已經收藏咗280具陽物，當中包括鯨魚陽物55具、海豹等鰭足類動物嘅陽物36具、陸生動物嘅陽物118具。講到鎮館之寶，則係嚟自神話中洞穴巨人同精靈嘅陽物。雖然呢間陽物博物館收藏咗大量陽物，但唯一一具人類陽物由於保存不良關係，故此近年佢努力尋找更新嘅代替品以供展覽。
講到著名嘅男士成人雜誌，一定唔可以唔提Playboy。呢本由Hugh Hefner喺1953年創辦嘅成人雜誌，自推出以嚟不但深受美國男士歡迎，而且仲推出多國語言版本，足見佢嘅影響力。除咗以性感得嚟又高質嘅Playboy女郎吸引高人氣外，雜誌內仲會介紹有關時裝、飲食、體育、名人專訪嘅資料。喺2002年曾經有調查指，喺1953年12月出版嘅全新創刊Playboy雜誌，價值約為5,000美元，相對當年售價僅50美仙嘅創刋號嚟講，升值咗足足一萬倍！此外，講到銷量之冠則要數1972年11月號，銷量達到7,161,561本，認真誇張！
網址：www.playboy.com
撰文：魂