AV達人：二次創作？

電玩遊戲《GTA 5》幾乎日日有新聞，之不過無單好料呢！無奈負面新聞愈多，遊戲愈受歡迎。好似美國四仔片廠Depth Entertainment Family嘅老闆兼導演於一身嘅John E. Depth，自言係《GTA》嘅Die Hard粉絲，由第一集開始沉迷玩上癮，更因為上集《GTA 4》，令佢決定拍攝一部類似呢個遊戲嘅四仔，名為《Sex Capades of Lil Jacob》，話咁快已經派街添！好喇，各位請(目及)一(目及)呢部四仔封面，係二次創作定純粹抄襲，真係見仁見智。而有成人傳媒就搵咗《GTA》遊戲負責人問過有關侵權問題，當事人冇太大反應，亦無諗過要控告對方，更抵死話遊戲中都有唔少四仔脫星出現，最緊要大家開心就得喎！