有人話H呢個字包含咗他和她之餘，更係兩性間嘅橋樑，理由係英文中He（他）同She（她）之間以H作為連接點。事實上，喺英文中以H為首嘅詞語有好多，唔少都令人體驗到當中嘅色慾魅力，有啲更可以運用喺生活中添！
我哋成日形容身材玲瓏浮凸嘅索女，話佢哋擁有魔鬼身材、前凸後趷、上凸下挺，咁英文中又點形容呢種火辣波哋呢？答案就係Hourglass Figure或Hourglass Body！講到美國四仔界，著名嘅Hourglass Figure脫星一定要數Jayden Jaymes。呢位1986年2月13日出生嘅美國脫星，憑住佢5呎8吋高同36DD、26、34身材，不但自2006年出道以嚟成為四仔眼中嘅性感女神，更喺2014年初舉辦嘅AVN頒獎禮中，獲得由公眾投票選出嘅最完美身材大獎。能夠成為眾人心目中嘅完美波哋女神，如沙漏般嘅身材魅力可想而知。
足球術語中嘅Hat Trick，意思係一位球員喺同一場球賽中連入對方三球，就稱為Hat Trick，即帽子戲法咁解。不過原來喺情慾世界中，Hat Trick亦有帽子戲法嘅意思，分別可以解作喺同一日內，同三個唔同嘅女伴連戰三場，或者喺同一場床戰中發射三次。前者相信對唔少玩家嚟講難度唔算高，皆因一日連戰三場，回氣時間十足，只要體力好啲就冇問題，後者則係一場床戰中連爆三次，難度就大得多！唔知對自認精力十足嘅你嚟講，今晚想唔想嚟個回味Hat Trick呢？
作為日本其中一間歷史悠久嘅AV製作公司，h.m.p嘅作品絕對係深入民心。不過講到佢成立嘅經過其實都有一段古，話說1979年時一位叫做賀山茂嘅攝影師成立咗間愉虐攝製室，做咗兩年後忽發奇想，喺製作室度搞咗個專門處理鹹帶，名為「The Video Center」嘅辦公室，而佢就係h.m.p嘅前身。1984年公司全力發展AV製作事務，於是改名為「芳友舍」，作品內容不但有愉虐，更涉及各種題材。其後經過多年嘅體制改變同改名，直到2004年時改名為「h.m.p株式會社」，並將旗下所有子公司合併，成為家陣AV迷耳熟能詳嘅大型AV製作公司。
網址：twitter.com/hmp_info
家陣有唔少AV女優都被冠以「美神」之名，只係講到首位以美神登場嘅女優，就要數喺2005年出道嘅神谷姬。當年喺AV片商Million出道，出現冇耐即轉會到Realworks，並由於佢氣質出眾兼同當年人氣女主播神似關係，不但被視為當時頭號一線新進女優，更被公認為AV界嘅「美神」！神谷除咗外形勁迷人外，佢最令AV迷印象難忘嘅地方，就係經常喺片中玩到流眼淚。雖然唔知佢係開心到喊，定係因為痛而喊，但呢種「真情」嘅反應而深得AV迷歡心。及至2007年佢轉會到Premium後冇耐就慢慢淡出，傳聞佢係拒拍過激演出所致。
Hustler唔單止係成人雜誌，亦係四仔片商、情趣用品連鎖店、酒吧、賭場等等，絕對係個國際級成人企業。早於1974年由Larry Flynt所創立嘅Hustler，前身本嚟只係喺脫衣舞廳派發嘅情趣小報。其後變身為成人雜誌嘅《Hustler》，以首本露盡三點作招徠嘅刊物，銷量最高時曾達三百萬本。此外，佢更喺雜誌中大玩各種情趣玩具、索女自娛、群戰等養眼場面，從而成為美國三大成人雜誌之一。成人雜誌打響名堂後，Larry將Hustler業務擴至其他行業，當中以四仔製作最為知名，尤以著名四仔惡搞系列《This Ain't》，更係唔少四仔迷必睇作品。
網址：www.hustler.com/
就咁講Harry Reems個名，可能大家唔知佢係邊個，只係提起著名美國情色電影《深喉》（Deep Throat）中嘅鬍鬚醫生，大家係咪即刻有印象呢？1947年出生，原名Herbert Streicher嘅佢早年曾喺匹茲堡大學學習過一年，然後加入美國海軍陸戰隊，退役後喺百老匯周邊劇場做演員，其後喺朋友介紹下以藝名Peter Long投身四仔界。入行之初佢雖拍過大量作品，但知名度唔高，直至1972年加入《深喉》劇組做燈光師嘅佢，由於飾演醫生嘅男主角突然辭演，就由佢以Harry Reems之名頂上，令佢一舉成名！2013年3月19日Harry因患上胰臟癌逝世。
撰文：魂