台中有個歐陸式花園農莊，滿園鬱金香盛開，為咗吸引更多遊人，早前搵嚟3位性感o靚模，以花仙子造型喺花園內搔首弄姿，即吸引到不少記者同龍友到場喪影相，令農莊嘅門票大賣。咁又難怪嘅，嗰3位花仙子樣子甜美，身材出眾，其中一個更擁有E級巨乳身材，喺花園裏輕輕一夾，美麗嘅鬱金香都唔夠佢心口條事業線吸引。其實喺內地景區亦經常以o靚模作招徠，但比較之下，立即高低立見，佢哋搵嚟嘅都係豬扒貨色居多，冇樣又冇身材，服飾又老套，最攞命就係啲所謂模特兒個個黑口黑面，你話拍出嚟邊有美感，網友又點會睇得高興吖！所以奉勸老闆們一係咪搵，要搵就畀多少少錢請啲靚女坐鎮喇！