巴打些牙：吹氣娃娃上太空

最近天文學界熱門話題就係國產嘅嫦娥三號月球探測器以及玉兔號月球車，登上月球進行探索活動喇！能夠成功登陸月球證明中國嘅航天科技愈來愈進步，的確令人興奮，相信未來上太空旅遊嘅日子應該唔遠喇。咁如果大家有機會上太空旅行會帶咩行李呢？有班美國人就諗住帶個吹氣娃娃上月球，所以近日就進行咗一個相當有趣嘅航空實驗，佢哋製造咗一個叫Missy嘅吹氣娃娃，然後將呢個重達45磅嘅娃娃綁上超大嘅氫氣球放上半空。吹氣娃娃隨後升到10萬呎高空之上，將近飄到外太空嘅時候氫氣球就爆破，之後Missy墜落地面，發現佢只係甩咗隻手。負責呢個實驗嘅團隊表示Missy嘅表現相當令人滿意，未來佢哋會嘗試將下一個Missy送上太空喎！大家想睇吓佢哋嘅實驗可以Click上http://www.youtube.com/watch?v=G17RdYm8x2Q（目及）（目及）。