渡海濠情：相親活動好夢成空
最近廣州有個相親活動，話明男方個個最少都有五百萬元身家，吸引咗數百名美女報名，大會除咗搵嚟瑜伽導師測驗一下囡囡們嘅身體軟柔度同健康情況，仲用埋測謊機睇吓啲報名資料係咪屬實，嚟自龍會嘅歐陽就話睬佢都傻！
嫌三嫌四
歐陽話：「家陣有五百萬身家嘅男生，一街都係，舉個例你就明白，一套四百零呎嘅樓，閒閒哋都三四百萬，有架幾十萬嘅車，銀行有幾十萬存款，咁就五百萬o架啦！證明到乜嘢？只證明到佢係有樓有車兼有份工咋！所以仲要挑三揀四，仲玩埋測謊機，我真係睬佢都傻，我哋晚晚見慣啲大老闆，佢哋個個億億聲身家，都唔敢對我哋嫌三嫌四，左查右查，唔通學相親大會咁搵班專家上嚟，先驗驗學歷，跟手驗埋身，睇吓有冇暗病至畀坐低咩？」
貶低自己
咁又啱喎！歐陽似乎有感而發，一於畀佢繼續：「我成日都勸啲姊妹，咪參加呢啲交友相親活動，因為要靠呢啲活動識男朋友，就證明你人際關係有問題或者係超級宅女，一啲吸引力都冇，未見面已經將自己貶低，何況參加嘅所謂富豪，佢哋有錢有地位，但囡囡你就乜都冇，擺明貪人哋啲錢啦，畀到你做女朋友，人家都唔會尊重你，更唔好話愛你，所以奉勸啲姊妹，咪參加呢啲相親活動，想搵闊佬仲有好多方法！」
歐陽Profile
年齡：22歲
三圍：36-25-36
撰文：小德
攝影：阿德