澳門Style：泰Feel燒豬頸肉

講到其中一種最受港人歡迎嘅地方菜，泰國菜絕對榜上有名。皆因泰國菜包羅香、辣、甜等嘅元素，加上惹味嘅烹調方法，難怪成為港人至愛！當中最為大眾化又具人氣嘅菜式，就要數泰式燒豬頸肉，肉汁滿瀉嘅豬頸肉，比一般豬肉更覺香口，加上燒烤手法更係令人回味無窮。呢道菜式睇落去好似好簡單，查實用足材料。師傅先用豉油、磨豉醬、酒料等醃製一個鐘後，放入預熱焗爐高溫焗佢20分鐘，拎出後浸落麥芽糖水，再焗多5分鐘，令豬頸肉皮脆肉軟，略凍後切件上碟。進食時再蘸少許師傅嘅秘製泰式醬汁，甜酸又香脆嘅豬頸肉食到人停唔到口！