香車同美人都係男人嘅最愛，所以賽車場上梗係有美艷動人嘅賽車女郎坐鎮，等男觀眾嘅眼福倍增，而有馬綾香就係近年日本最出色嘅賽車女郎之一。
聽到寫真集三個字，大家好可能第一時間聯想到水着女優又或者嫩模，但係喺日本拍寫真集嘅美女其實可以來自各個不同職業，例如女侍應、OL，又或者係名作家，甚至係前議員都有，當然賽車女郎亦係其中一個職業啦，好似有馬綾香就就出過唔少寫真集喇。今年25歲嘅綾香五官標致，嬌俏可人又可愛，實在係人見人愛。唔知阿妹畀大家嘅第一印象係咪好似有少少混血兒Feel呢？事實上阿妹係純正日本妹，同外國有關嘅只係佢曾經去過紐約留學而已。不過，綾香副靚偈就真係似外國火辣尤物喇，因為佢擁有35-23-33嘅曲線身形，胸前仲有一對脹卜卜又堅挺又白滑嘅E奶，以目測估計，絕對可以斷定屬於歐洲女仔平均分量。
據資料顯示，綾香細細個嘅時候就已經生得好可愛好得人鍾意，所以佢仲係小學生嘅時候就被藝能事務所睇中，簽佢為兒童模特兒，演出過電視台兒童節目嘅跳舞同唱兒歌。而阿妹跳舞嘅興趣亦可能就此培養出嚟，令佢一直都有習舞，讀大學嘅時候仲加入咗個舞蹈團體添。後來阿妹去紐約留學返回日本就畀事務所發掘成為模特兒，仲做埋賽車女郎，係賽車女郎團體「REGIIINA!!!」嘅成員，最近仲加入埋另一個相關團體「飄移天使」添。綾香出席過好多賽車比賽，東京、名古屋同札幌車展亦參加過，此外阿妹佢亦係東京遊戲展常客，因為賽車遊戲好多時都係遊戲展嘅亮點，唔搵索到爆嘅綾香做車模，點照得起成個場呀！
有馬綾香平時好鍾意將自己工作時所拍嘅性感照放上博客，Click上去一定大飽眼福。
網址：http://ameblo.jp/arimaayaka/
年齡：25歲
身高：5呎4吋
三圍：35E-23-33
撰文：賢