攝影模特兒想走紅，最常見嘅兩個途徑，一係做足球模特兒，以性感形象示人，二就係做車模，拍攝汽車照時傾情演出，而今日介紹嚟自湖北嘅美女周曉妮，就係憑呢兩個途徑一夜成名，人氣急升！
英文名叫Sherry嘅周曉妮，出道兩年左右，而最為人認識，就係2012年歐洲盃足球賽前夕，佢真胸上陣，拍咗一輯只用圍巾綁住一雙巨乳嘅寫真，由於酥胸半露，令人未睇球賽已經血脈沸騰，照片傳出後，過千張貼要求搵出呢位足球寶貝，經過內地全民總動員，資料全被翻開，擁有35吋巨乳嘅周曉妮一夜成名，之後雜誌社同廣告商紛紛搵佢拍照。過咗一段日子，令佢火速上位嘅機會又再出現，就係有歐洲名貴跑車要搵曉妮拍照，照片一推出，即時引起哄動，網民更封佢為「跑車女神」。
之後曉妮工作不斷，經常拍攝超性感寫真，令粉絲個個都鼻血長流。有記者問佢覺得自己最性感係邊個地方？大家都估答案係佢個胸，點知佢話係對眼。講真佢雙眼好似識放電咁，真係幾銷魂o架！至於問佢揀男朋友嘅條件，曉妮話男人最緊要有責任感，其次對長輩要有孝心。唔使揀個靚仔咩？曉妮話靚唔靚仔都唔緊要，最緊要有本心，如果天生花心，幾靚仔都冇用！又講得幾啱喎！
出生地：湖北
三 圍：35-24-34
身 高：172cm
撰文：龍四海