日本女藝人愈當黑就愈容易有發達機會，點解？因為AV廠趁佢哋人氣下滑嘅時候，重金利誘下海拍AV。前早安少女組成員加護亞依早年因為被人拍到佢未成年飲酒又吸煙，一度消失於藝能界。後來，佢簽到新事務所復出，又拍埋半裸寫真至挽回少少人氣。點知，上年亞依因為要生仔而小休一段日子，之後佢收到通知，話「加護亞依」呢個名已經為前事務所擁有，要求佢改名。之但係，一旦改名可能冇人識喎！當阿妹苦惱搵奶粉錢之際，有AV集團就利誘佢拍AV，片酬有5,000萬日圓，差不多400萬港元，相當和味！至於亞依會唔會答應，大家拭目以待喇！