渡海濠情:雙子男友油腔滑調

雙子座嘅男朋友出晒名令女朋友們又愛又恨,因為佢哋嘅情緒變化好大,對女朋友一時好到不得了,一時就激到佢哋啤啤聲,嚟自大富豪桑拿嘅小靜就話佢男朋友就係雙子座嘅,佢無嘢好,就係把口啷過油,求人原諒時氹死人唔使本。

難以捉摸

小靜話:「佢哋心情好嘅時候,會對女朋友好到不得了,你話乜嘢都聽晒你話,而且成日講啲好聽嘅說話嚟氹你,將你捧到天上有地下無,而且除咗兩人相處時不斷甜言蜜語外,有時更會喺啲朋友面前講啲好感人嘅說話,例如有次同成班朋友去燒嘢食,我哋落車走去燒烤場,大約十分鐘路程,我見兩手空空,於是咪攞包雞翼囉!點知佢第一時間走過嚟話幫我攞埋,啲朋友即時起哄,佢竟然大大聲話:『女朋友要嚟錫,唔係要佢嚟做嘢嘅』,我聽到當然甜到入心,啲朋友更拍晒手掌話我搵到個好男友,但有樣嘢唔好,就係佢哋脾氣十分難捉摸,好似嗰次燒嘢食,本來好哋哋,但有個姊妹嘅男朋友,無心窒咗佢一句,佢就差啲同人哋打交咁滯,最慘係都佢唔到,我勸交佢仲叫我收聲,真係乜嘢面都冇晒!」

事後賠罪

咁最後點呀?小靜話:「我咪唔理佢自己一個人返屋企囉!其他朋友見我一怒走咗,咪叫佢追番我囉!亦因為佢掛住追我,所以事件至冇進一步惡化,返到屋企見佢啲火氣冇晒,我就乘機教訓佢,話佢咁小事都忍唔到,事前就做模範男友,轉頭就叫我收聲,搞到我以後喺班朋友面前乜嘢面都冇晒,男朋友見狀,明白係佢自己理虧,於是猛咁向我道歉,好話講盡,我見機不可失,於是屈咗佢買個名牌手袋同埋要帶我去外國旅遊嚟賠罪,佢當然冇得說不啦!自此我就發現,雙子座嘅男友當佢發緊脾氣時,天皇老子都冇面畀,所以做女友嘅咪即時衝去阻佢,否則只會火上加油或者把矛頭轉向自己身上,建議你不妨一走了之,事後佢覺得理虧就會搵你賠罪,呢個時候你要風得風,要雨得雨,佢哋都唔會多哼一聲!」

雙子座特質:甜言蜜語

雙子座嘅男友,為人情緒大起大落,每當發脾氣時,驚天動地,做佢哋另一半都幾難受吓,但有樣好,就係佢哋嘅脾氣一過就會好話講盡咁令你怒氣全消,所以喺十二星座中最常用花言巧語嚟取悅另一半嘅,一定係雙子座嘅男友。

雙子座下周性愛運程

狩獵運:★★★★

甜蜜運:★★★★

戰鬥運:★★

小靜Profile

年齡:21歲

三圍:33-24-35

撰文:小德

攝影:阿昌