日本早排出現唔少玩陪瞓嘅休閒小店，佢哋提供美少女，堅稱僅陪瞓而已，身體接觸亦只限於攬攬抱抱。不過呢種咁純情嘅服務，家陣卻變得不再單純，皆因有出張風俗店推出色慾陪瞓服務，並且有現役AV女優提供添！
以往嘅陪瞓服務一直為人詬病嘅地方，在於一男一女同瞓床上，冇色情服務叫人難以置信，而呢啲陪瞓店經過多方面嘅努力同宣傳後，終於開始讓人相信佢哋確係相當正經，僅單純地提供一個可以減壓嘅空間同方法而已。點知最近池袋卻出現一間叫做「Soine」，打住陪瞓兼提供色慾服務嘅陪瞓出張風俗店，囡囡除咗會同玩家瞓覺之餘，仲會提供手作服務。呢間色慾陪瞓店嘅出現，令原先正正經經嘅陪瞓店相當不滿，抗議佢影響形象。不過呢間出張風俗店卻認為，佢哋嘅情慾服務只係提供多一種選擇畀玩家，而佢哋嘅出張風俗孃亦唔會同玩家曳曳，唔算得上好色情咁話。
呢間風俗店嘅另一個賣點，就係提供現役AV女優上門陪瞓。事實上，AV女優同風俗業不嬲有着千絲萬縷嘅關係，有AV女優坐鎮一啲都唔出奇，奇就奇在佢哋能夠搵到好似鈴木Alice、柏木萌等，呢啲有知名度嘅女優登場，自然引嚟相當嘅話題性。有消息指鈴木Alice之所以轉到呢間陪瞓風俗店度做，皆因佢覺得呢度嘅用家以宅男為主，而喺風俗孃嘅眼中，由於宅男要求唔多同容易招呼關係而被視為寵兒，故此呢個選擇一啲都唔出奇咁話。講咗咁耐，究竟想同人氣AV女優瞓一個半粒鐘嘅覺要幾多錢呢？齋瞓嘅話盛惠15,000日圓，約為1,200港元，如果想玩手作仔嘅話，則加多10,000日圓，即約800港元。
撰文：魂