近年性感女星同模特兒多到不得了，但能夠一直保持形象嘅真係冇乜幾個，有啲唔係身材走樣，就係未紅先驕，今日介紹嚟自雲南嘅施柳屹，以性感形象一直屹立至今，阿姐位置無人可代。
施柳屹3歲開始就識得跳舞，無論民族舞定係拉丁舞，對佢嚟講完全冇難度，16歲更勇奪全國拉丁舞大賽銀獎，之後就考入雲南大學，報讀咗同演出無關嘅外貿英語，所以施柳屹嘅英語能力超強，但畢業後就冇從商，反而繼續佢追夢之路，喺老家隨即成為炙手可熱嘅新人，但佢不甘蟄伏，於2006年走去北京發展，更參加咗世界小姐大賽，獲得北京選區才藝大獎嘅殊榮，之後南北兩地穿梭，憑其美麗外表同完美身材，取得不少工作機會，喺模特兒界好快就當上阿姐嘅位置，同其他名模一樣，呢個時候都想模而優則影，開始放聲氣接拍影視作品。
施柳屹非常幸運，入行冇耐拍咗多部重頭戲，好似《一米陽光》、《中國刑警》同埋《荒村公寓》等，其中《荒村公寓》中更有裸露鏡頭，真係為藝術犧牲！但同時亦為佢贏得不少認同，自此影視工作不斷，同時亦由小角色，開始變為主要演員，但施柳屹亦自己知自己事，唔係演出系本科出身，一定要以經驗搭夠，所以佢十分珍惜每次演出嘅機會，希望不斷提升自己嘅經驗。由於施柳屹舞藝精湛，近年出席不少電視綜藝節目，以超性感形象表演拉丁舞，贏到不少粉絲嘅支持，近年更擔任埋跳舞節目嘅評委添，證明只要努力，最終一定會成功。
出生地：雲南
三 圍：34-23-34
身 高：168cm
撰文：龍四海