我哋介紹過好多模特兒，佢哋細細個就好喜歡表演，但一般都只是小圈子嘅演出，例如喺社區或者學校，而可以出國演出嘅就好少。今日介紹嚟自遼寧嘅孫璐，佢自小就不斷出國表演，仲喺法國迪士尼表演咗一年。
孫璐小時候原來係玩雜技嘅，自小就四出表演，除咗喺內地，仲經常出國表演，好似去過美國、古巴、牙買加等地方，所以佢小小年紀嘅演出經驗，肯定多過好多同年紀嘅小朋友。孫璐除咗學雜技，仲學埋跳舞，之後就參加咗法國導演製作嘅大型雜技歌舞劇《花木蘭》，佢當然演花木蘭嘅角色，仲喺法國迪士尼演出咗成年添，之後回國，本來可以直接殺入影視圈，但佢認為自己未夠班，於是考入中央戲劇學院修讀導演系，畢業後喺圈中浮沉，並唔係咁順境，但孫璐並冇放棄，反而加倍努力裝備自己，最終機會來了！
2009年孫璐有機會接拍咗套由中央電視台拍攝嘅電視劇，令佢一炮而紅，之後影視工作開始一部接一部，最近仲拍攝央視製作嘅《山楂樹之戀》電視版，佢當然飾演女主角林丹啦。除咗工作外，孫璐好少曝光，要知道佢嘅近況就只能上佢嘅微博，孫璐有樣嘢好，就係好肯寫微博，所以粉絲們對佢認識嘅同時又可能十分陌生。此外，孫璐偶爾都會做吓模特兒，拍攝時都幾大膽，周不時真空亮相，但美中不足係未見過佢以泳衣或者內衣示人，講真孫璐身材唔差，三圍勻稱，應大就大，應細就細，其實雜誌社或者廣告商真係可以考慮，要佢為藝術犧牲多啲嘛！
簡介：呢個官方網站內照片不多，但就有好多佢嘅微博，當中不乏自拍照，更可以欣賞吓孫璐嘅文采！
網址：www.moko.cc/sunlu
出生地：遼寧大連
三圍：34-24-35
身高：168cm
撰文：龍四海