這種事一直時有所聞，不過偏偏有人不斷中招。上星期有朋友在社交圈引起一輪熱議，表面上大家都支持，實際上背後竊竊私語，嘲笑的、幸災樂禍的人也不少。話說朋友V算是圈中工作頗有成就的商人，也不時在他的朋友圈發表生活及家庭的感言，一派正能量，不過早些時候，他卻突然將個人的社交平台關起來，一問，原來出了事，「嗰日佢啲Post又或者佢朋友啲Post都出現朋友V嘅裸體照片，雖然他即時採取刪帖行動，但網民的敏銳度絕對不容小看，居然已經有人Cap了圖！」
「一睇就知道啦，其實又係嗰啲嘢，梗係同囡囡玩裸聊，畀人拍低咗條片啦！」死仔昌就是其中一位快手Cap朋友V圖的人，他們不算熟朋友，Cap圖應該沒有甚麼不軌，只是貪玩吧，「事實係呢啲新聞成日都有，通常係外國囡囡喺Facebook上加咗你，傾一陣就叫你玩，十個男人九個都唔會上當，咁你要做第十個，無人幫到你o架！」的確，之前已經聽太多，當對方拍了你的裸照、裸片，就會恐嚇你畀錢，不然就會在朋友圈公開你的醜態，「睇嚟朋友V係無就範，人哋先做嘢，可以點收科？無o架，開個新戶口，等件事丟淡啦！」死仔昌說。
撰文：黃韋龍