渡海濠情：筍工等住你 前景優美

想賺快錢

Anna： 一個社會就業機會高，人揀工正常不過，好似澳門依家經濟環境，真係有身份證就有工開，而且啲人仲不停揀筍工先肯做，聽聞今期政府仲話批出多兩萬個外僱配額，睇怕失業率想升都難囉！人人有工開當然好啦，之不過亦令到打工仔好容易轉工！

阿行： 經濟環境好有咩問題，唔通差先叫好呀！我認為不論做生意或打工都想經濟好，老闆賺大錢，員工有飯開，雙贏就最好不過，喺咁嘅環境，老闆都唔會有心情理會伙記有冇歸屬感，懶理你做幾多日就辭職。

阿行認為新一代技師要不怕辛苦、不怕蝕底及不要怕由低做起，咁至有機會上位！

放大圖片

Anna： 你實在太短視喇，須知道經濟好壞一定會有周期，今日好，聽日可能轉差，若然人人都抱住輕鬆又好賺嘅心態搵工，咁社會就變得唔和諧，打工仔經常轉工變得缺乏經驗，最終大家都受害。以新一代桑拿技師為例，眼見不少姊妹無心戀戰，邊間場易搵就去邊間，咁點留到熟客呢？

阿行： 你都傻傻哋，出嚟打工無非想賺快錢，做技師就更加唔使問啦，要Keep熟客我不如自己做，計我話乜都假，最重要係邊個場易搵食就去邊個場。打工仔千祈咪同老闆講感情，否則受害只有你自己！

練精學懶

Anna： 如果人人價值觀都變到你咁，呢個社會就好大鑊，因此我絕不認同呢個講法，我認為打工仔時刻要自我增值，而新一代嘅技師更要有三不怕：不怕辛苦、不怕蝕底及不要怕由低做起，咁至有機會上位，幫到個人同時亦可以團結其他人。

阿行： 你簡直食古不化，正所謂時間有限，金錢無限，技師賣青春又賣勞力，仲得閒同你講理念，不如實際啲搵多啲退休好過啦，好似我咁，每日返工服侍十幾個客，真係揼骨都揼到手軟，有時啲客唔生性，仲話要大力啲，真係命都畀埋佢呀！

Anna： 好明顯你就係缺乏經驗，練精學懶，結果咪自討苦吃囉！其實每一行都有佢嘅經驗，學似你咁講，啲客受力就要大力啲，證明你只想盡快解決人客收工。換轉係我就會人客舒服同時自己又輕鬆，可惜呢啲冇得教，係要經驗累積返嚟！

阿行： 你講到自己咁叻，又唔見得搵得特別多喎！雖然我認同你經驗豐富，但技師呢行講到尾都要同時間鬥快，否則邊有時間接多啲客呢？我始終覺得，以快打慢對自己最着數，想知我有幾快，咪過嚟較量吓囉！

Anna Profile：

三圍：34-24-33

身高：5呎2吋

阿行Profile：

三圍：33-25-33

身高：5呎3吋

撰文：祖

攝影：生