內地嘅模特兒真係多不勝數，要突圍而出，不離實力兩字，除要人靚身材好之外，仲要多才多藝，好似今日介紹嚟自瀋陽嘅吳鑫桐，佢嘅才藝多到數都數唔晒，喺歌影視同埋模特兒界，都見到佢嘅身影！
吳鑫桐祖輩係滿洲人，自小就生得高頭大馬，樣子標致，而且對唱歌跳舞更係充滿天分，乜嘢芭蕾舞、民族舞，甚至現代舞都難佢唔倒，加上仲識得彈鋼琴同埋拉小提琴，所以17歲就順利考入中央戲劇學院表演系，鑫桐底子夠厚，未畢業就大把人爭住請佢，又拍電視又拍電影，仲唔係小角色，畢業後自然全力喺娛樂圈發展，同步仲做埋模特兒，接拍咗不少雜誌同平面廣告。起初大家都以為鑫桐咁清純，應該唔會行性感，點知一到現場，鑫桐話剝就剝，而且十分專業地配合攝影師嘅種種要求，拍出不少令人驚艷嘅寫真作品，亦因此令佢人氣急升。
近年鑫桐拍咗多部影視作品，都係做主角，令佢穩坐影視界阿姐寶座，但佢冇忘記自己嘅唱歌興趣，四出搵機會出唱片，最終畀佢搵到唱片公司支持，於是鑫桐更自己作詞寫咗幾首歌，唱片公司更隆重其事，搵嚟韓國著名音樂監製合作，令鑫桐搖身一變成為創作型唱跳歌手，最新大碟《Bad Boy》更奠定咗喺音樂界嘅地位。好多網友都擔心鑫桐咁忙，會唔會唔再拍寫真呢？呢層大可放心，由於鑫桐仍處於轉型階段，所以不時都以性感形象示人，唱片公司更會拍啲性感照嚟做宣傳，所以鑫桐嘅噴血寫真會繼續推出，粉絲們一定唔會失望。
出生地：瀋陽
三圍：34-26-35
身高：172cm
簡介：吳鑫桐開咗唔少個人網站，每個都放咗唔少照片，但收錄最多最齊全嘅，首推以下網站，特別係早年剛出道嘅照片，最令人回味！
網址：www.moko.cc/wuxintong
撰文：龍四海