渡海濠情：哪吒神勇 囡囡靠攏
澳門大三巴旁邊有間超過百年歷史嘅古廟，供奉咗《封神榜》中嘅哪吒，當年哪吒小小年紀就能倒海翻江，所以歷來都係民間祈求風調雨順嘅神仙，早幾日更係哪吒寶誕，十八桑拿嘅思含同彤彤都話要趁機去拜吓喎！
認真打得
思含：我好細個就好喜歡睇《封神榜》，當中咁多主角我最喜歡就係哪吒，佢又好打又夠孝順，闖禍後為免父親難做，竟肯自我犧牲，你話幾咁偉大！
彤彤：我細個好少睇書，睇電視劇知道佢好打得，豆丁咁細個，就打低龍王三太子，所以我想去拜吓，求佢幫我打走晒啲是非小人，咁就安樂晒！
思含：唔怕話你知，我細個時太喜歡佢，曾經幻想過長大後要嫁畀佢，後嚟大個當然知道哪吒只係神話人物，但我搵老公，性格都要同佢差唔多嘅至得。
彤彤：我覺得哪吒有個優點一定要講吓，就係有事自己一力承擔，禍不及父母，夠晒Man呀！
男人首選
思含：咁有擔當嘅男人，真係難得，所以我揀男朋友，首要孝順，其次要有擔帶，三當然要對我好啦！至於四五六，當然有錢、有樓、有高薪厚職啦！
彤彤：你咪成日發埋啲春夢啦！計我話做人都係要靠自己，所以我去哪吒廟拜神，只求趕走晒身邊啲是非小人，咪阻住我搵食，咁就心滿意足啦！
思含：其實我都去過幾次大三巴，但每次去都冇留意到呢間哪吒廟，枉我仲係哪吒嘅粉絲添，今次去嘅時候真係要記熟路，等下次知道點去至得！
彤彤：係就快啲，寶誕前後都有好多人去拜神，香火特別旺盛，要去就把握機會，聽講好多姊妹都去拜咗，你都咪執輸呀！
思含Profile：
年齡：21歲
三圍：33-23-34
彤彤Profile：
年齡：22歲
三圍：35-24-35
撰文：小德
攝影：阿德