成日都介紹啲巨乳模特兒畀大家，睇得多都有啲悶，今日就破例介紹一個只有32吋胸嘅微乳靚女，佢叫做莫小白，但大家咪睇小佢，周不時都會製造出「乳」不驚人死不休嘅效果！
嚟自北京嘅莫小白，報稱係愛新覺羅嘅後代，自小就接受良好教育，佢嘅美術同文字作品，都見得吓人，畢業喺中央戲劇學院，讀書時候開始參與模特兒工作，由於樣子清秀，深受好評，期間還參加咗不少選美大賽，每次都獲得不錯嘅成績，令佢信心大增，畢業後一邊接拍影視作品，一邊繼續模特兒嘅工作，更出席大大小小嘅綜藝節目因而人氣急升。雖然小白工作咁忙，但仲喺北京大學報讀咗一個專為第二代企業家而設嘅課程，因此被人稱佢為「北大才女」，每次有記者問起呢件事，佢都會再三解釋，以免產生誤會。
小白真係多才多藝，事關佢有一門秘技「縮骨功」，經常喺節目演出，一般練「縮骨功」嘅女仔，身材都係細細粒，170cm身高嘅小白，手長腳長，一樣可以輕鬆屈曲身體，令人嘆為觀止，有記者知佢好喜歡陳奕迅，問佢會唔會染指埋歌唱界，佢話應該唔會，仲好謙咁話自己把聲唔好聽。講番小白嘅身材，報稱只得32吋上圍，但唔知點解佢拍嘅寫真照片，經常都有波濤洶湧嘅效果出現，噴血度十足，同一啲出名嘅波神波霸都有得揮，真係令人佩服！
簡介：莫小白嘅官方微博裏面，收錄咗好多佢嘅生活照同自拍照，讓大家可以睇到不一樣嘅莫小白。至於性感寫真當然唔少得啦！
網址：http://weibo.com/mofeijust4u
出生地：北京
三圍：32-22-34
身高：170cm
撰文：龍四海