渡海濠情：裸體寫真永留情
美國嘅準新娘近年有一個趨勢，就係興起喺結婚前嘅姊妹派對中，大玩集體影裸照，新娘伴娘齊齊剝光豬留下倩影，據講接拍裸照嘅服務公司生意好到做唔切，而嚟自龍會嘅靚女可可，佢話結婚前都好想拍輯裸照！
永遠保留
可可話：「我覺得結婚係人生嘅轉捩點，之前之後會有天淵之別，所以一啲大膽妄為嘅心事，最好喺結婚前做晒佢，而拍輯性感裸照，就係我嘅夢想，事關小妹出道就做模特兒，期間不斷有人游說我拍裸照，但我又怕拍咗之後會嫁唔出，所以如果有人肯娶我，婚前我一定會豁出去，影輯火辣辣嘅寫真，將完美胴體永遠保留落嚟，到十年八年後攞番出嚟睇，一定別有一番感受！」可可咁好身材，十年八年都唔會走樣嘅！
全裸演出
要影裸照，未來老公又接唔接受到呢？可可話：「我當然會同佢商量，如果佢冇問題，我想全裸演出，但如果佢有保留嘅話，咁就會三點不露啦！而且由於照片只供私人收藏，所以我估佢嘅尺度都會大膽啲啩！至於會唔會唔畀影，我睇自己唔會揀個咁保守嘅人啩！總之結婚前拍輯裸照，就係我最大嘅心願！」可可人靚身材好，我第一個撐，如果可以將照片公諸於世，咁就更好嘞！
可可Profile
年齡：22歲
三圍：34-24-35
撰文：小德
攝影：阿德