日本沖繩嘅天氣屬於熱帶海洋氣候，全年都咁溫暖，亦因為咁該處嘅人民都特別熱情奔放。好波水着妹佐藤櫻，就係出身自呢個被日本人稱為南之國嘅地方，故此性格亦開朗又開放。
日本水着界極品美女眾多，不過咁多年來，小弟就發覺班水着妹都各走極端，一係上圍大大但係整體望上去身材帶點肥膩；一係個人瘦瘦，貧乳又帶骨感，鮮有中間之數。不過，少唔代表冇，好似佐藤櫻咁就係身材一絕又夠靚女喇！現年21歲嘅櫻妹樣子俏麗可人，五官標致，雙眼夠濕潤又夠神采，畀佢望一眼即刻覺得全身觸電。另外，阿妹個嘴仔大小適中，嘴角含春，半開半合之間流露出無比誘惑。至於身材，櫻妹身高5呎5吋，喺水着妹當中算係長身佳人，阿妹一副32-23-33胴體健美婀娜，胸前嘅E-Cup美巨乳堅挺彈手，淺古銅色嘅肌膚加上結實肉地，話畀大家知佢渾身充滿活力。
櫻妹之所以擁有呢一身健康又散發活力嘅膚色，可能同佢嘅出生地有關。櫻妹出生於沖繩，由細到大佢都活躍於呢個陽光普照嘅地方，所以唔難曬到一身古銅色啦。高中時期，櫻妹至去到東京升學，並且喺呢段時間踏足藝能界，但係之前佢已經喺沖繩作幕前演出，就係幫當地嘅便利店做模特兒，兼且為一種沖繩限定嘅汽水拍廣告。去到東京生活嘅櫻妹，由於佢夠嬌俏又夠活潑開朗，所以相當吃得開，參加Miss雜誌舉辦嘅「Flash 2011」選美比賽，仲得到優秀獎，憑此贏得唔少演出以及做電台DJ嘅機會，而佢做DJ嘅時候就經常自稱為「南國之女戰士」，仲話自己個胸咁大咁吸引，全因細個成日食椰菜喎！豐胸秘方就係咁簡單？
佐藤櫻最近專注於舞台演出以及為網台做DJ，想知阿妹工作時有乜趣聞，可以Click上佢個博客。
網址：http://ameblo.jp/sa-to-sa-ku-ra
年齡：21歲
身高：5呎5吋
三圍：32E-23-33
撰文：賢