一支公去到澳門唔想落Disco，又唔想落Club點算好呢？有人話大可以落酒吧獨酌一杯。雖然呢個提議唔錯，但落到酒吧乜嘢人都唔識，齋飲冇人同你吹水好似好寡。如果落去呢間Mug's Talk嘅話，絕對唔使擔心冇人同你吹水。事關呢間酒吧行Friendly風格，不論你係生定熟客，好客嘅侍應同Bartender都會同你吹上幾嘴，當然風趣又幽默嘅老闆更係好客，而佢對酒嘅認識更係令你眼界大開之餘，仲會有唔少佐酒食物嘅好提議，襯埋佢同場加映嘅美式美食，保證飲得暢快，食得更係開心。當然，成班人落去亦係一個唔錯嘅選擇，清吧格局唔會覺得嘈雜，而富有懷舊美國酒吧嘅裝修，更係令人有種回到60年代美國嘅感覺，下次想搵清吧閒坐嘅話，呢度絕對係好選擇！