渡海濠情：貌似明星冇着數
學校有同學仔似某明星，你估佢會點？原來就係畀人打一身，早前英國有個靚女，樣子似某著名女偶像歌星，點知返學被人打咗一身，真係飛來橫禍。嚟自極品桑拿嘅小紅，佢話似明星有罪咩？
班班都有
樣子真係有幾分明星相嘅小紅，自小就有人話佢似內地某某明星，唔知喺學校有冇畀人打呢？小紅話：「我比較好彩，因為我間學校好多學生都話似某某明星，所以天王天后班班都有幾個，所以似明星嘅同學佔咗大多數，唔似嘅就算幾唔忿氣都好，都唔敢亂嚟，但聽講其他學校嘅貌似明星學生，就冇咁好彩，真係經常都畀人欺負，有時仲會被打到變豬頭，我真替佢哋唔抵，人哋個樣生得似明星唔通有罪咩？點解係要欺負人呢？」
陪出陪入
咁又係，你話樣衰就畀人打啫！家陣貌似明星，又點解會被打呢？小紅話:「我都唔清楚，我雖然冇受到威嚇，但有男同學就同我講，有人會對我不利，於是佢每日都會親自嚟接我返學放學，有時周末周日為咗報答佢，仲同佢出去玩添！」睇嚟似溝女多啲喎！小紅話：「冇所謂啦！身邊不時有男同學陪住出入，又幾威風嘅！呢個習慣一直保持到今時今日，我每次出街，都一定要有男仔接送o架！至於報答方法，當然唔同以前啦！」
小紅Profile
年齡：20歲
三圍：35-23-34
撰文：小德
攝影：阿昌