所謂天生我材必有用，好多人嘅長處要慢慢發掘至可以盡情發揮，亦有人嘅長處一眼就望到，例如擁有巨乳嘅美女。唔單只會吸引到萬千男人嘅目光，仲會帶來榮與祿。
日本AV界近年湧現好多巨乳女優，春菜花、Julia、仁科百華等等都係巨乳尤物。除咗呢批AV女優，水着界女優嘅巨乳一族亦不容忽視，原幹惠、愛衣、篠崎愛等等都係極受歡迎嘅巨乳水着妹。然而，講到近年Cup數最高又具人氣嘅就要數到西田麻衣喇。出道於2006年嘅麻衣現年23歲，雖然塊面有少少肥，但係眼帶神采，加上笑容甜美俏嬌，總算可以靠個樣搵食。不過，最煞食、最能夠幫阿妹搵食嘅都係一副誘人架生。同經典水着前輩小池榮子、根本春美一樣，麻衣屬於豐滿型，全身上下都充滿肉地，四肢亦有少少粗壯之感，但係大家唔會在意，事關麻衣堅挺又有彈性嘅35吋I-Cup巨乳，足以將大家所有注意力吸引過嚟。
擁有如此驕人嘅巨乳係好多女仔嘅夢想，但係麻衣以前就唔希望有呢雙架生，原因係阿妹出到街嘅時候，絕大部分男人嘅視線只會落到其雙峰之上，令佢覺得自己嘅面孔被忽視，難免有多少沮喪之感。不過，自從佢出道之後，想法就徹底改變。當年麻衣參加一個叫做Spacecraft小組發起嘅水着模特兒招募活動，當時阿妹嘅驕人上圍幫佢成功脫穎而出，擊敗3,151名參加者，順利獲得最高獎項。獲獎後，麻衣更成為知名雜誌《Miss Magazine》嘅女子組合YS少女學院第二期學員，繼而進身水着界。另一方面，麻衣成名之後，仲經常被乳品廣告商睇中，搵佢拍乳類飲品廣告。阿妹之所以有人氣又搵到錢，都係全靠呢對I奶咋。
西田麻衣成日同乳品商合作拍廣告，而佢每次拍完都會將消息於個人博客中公布，有興趣睇麻衣點樣喺廣告發揮I-Cup巨乳嘅威力就唔好錯過喇。
網址：
http://ameblo.jp/mai-nishida/
年齡：23歲
身高：5呎3吋
三圍：35I-23-32
撰文：賢