車路士今季冇咗艾辛喺中場做好防守工夫，加上其他隊員都年紀漸大，令隊球實力減弱，最慘就係前鋒火力冇增強，一樣要倚重狀態時好時壞嘅西班牙王子費蘭度托里斯。至於作客嘅曼城狀態不過不失，對住弱隊就實食冇走雞，但係面對實力稍強嘅隊伍就顯得力有不逮，好似對住利物浦同阿仙奴咁，最終都係和波收場。雖然曼城喺英超開波前嘅一場慈善盾比賽贏咗車仔，但係今次作客未必可以歷史重演，所以我估兩隊會以1：1握手言和。
英超聯賽：車路士 對 曼城
香港時間：11月26日 00:00