依家都市人營養過盛，肥胖問題愈來愈嚴重，再加上潮流興瘦身，女人已經認定瘦身係自己嘅終身事業，每日都要為減肥而絞盡腦汁。但根據俄羅斯某大學嘅研究人員通過測試發現，每日只需要接吻一分鐘，唔止可以減肥，好處真係多到講唔晒，以下就係其中幾點，真係信不信由你！
據報道每天接吻一分鐘可以穩定心血管活動、防止高血壓、降低膽固醇，而且每天只要接吻3次，每次20秒，持之以恒就可以起到減肥的功效。身體好咗，精神自然會好啲，性慾也會隨之旺盛起來，所以接吻唔止係性愛嘅前奏，仲係性慾嘅補品，男人唔補好易無，就算幾忙都要每日抽時間打個車輪，增強體質。
研究人員指出，接吻時，人嘅口腔會分泌大量唾液，而唾液中含有大量鈣和磷，因此能夠保護牙齒免遭蛀蝕，仲可以降低牙齦發炎嘅機會，所以外國人嘅牙齒比亞洲人保養得好，除咗牙醫護理之外，更因為佢哋習慣成日接吻，棚牙自然愈吻愈靚！愛美嘅女人，不妨參考吓呢個建議。
除咗以上兩點好處之外，原來接吻仲可以美容，因為熱吻會牽動臉部30塊肌肉，促進血液循環，令人嘅臉部肌膚更加平滑，仲好過做Facial。專家更指出接吻甚至有止痛嘅效果，因為唾液中含有一種止痛成分，接吻時候雙方愈激情，唾液分泌就愈多，所以激情熱吻係可以有止痛作用，下次遇上疼痛難忍時，不妨同愛人盡情熱吻。
撰文：巴戟