播種特攻:組織性呃鐘經理技師齊博懵

最近有老友話中山一啲桑拿場技師,呃鐘情況愈嚟愈嚴重,據知有部分技師明目張膽咁呃鐘,原來背後係有管理層開綠燈,所以有恃無恐,除咗客人受損,老闆都損失慘重。

唔嚟幫襯

據不願透露姓名嘅資深技師講,由於近年骨場競爭激烈,技師經常供不應求,所以有啲經理手上,有得十零廿個囡囡,就可以隨時要挾到公司,容忍佢哋做啲偷雞摸狗嘅事,否則就拉隊走人,令公司進退兩難,於是一啲唔太過嘅事情,就會採取容忍態度,而最常見嘅就係技師呃鐘。原本90分鐘服務,囡囡入去大半個鐘就鬆人,如果客人投訴,就聲稱會嚴加處理,但全部都是門面說話,事後只會繼續縱容,客人次次都被呃,投訴又冇人處理,自然唔會再嚟骨場幫襯。

分得愈多

照計係打爛自己飯碗,但點解啲經理仲咁做呢?原來係同佢哋嘅拆帳制度有關,骨場老闆為咗刺激生意額,所以大多數都跟經理設下獎金制度,如果做超過設定嘅金額,就可以獲得特別獎金或者總收入嘅更高拆帳額,於是經理們就縱容旗下技師呃鐘,舉例每個囡囡返十個鐘,個半鐘招呼一個客,一日做到六七個客已經好巴閉,但如果囡囡呃鐘,一日就做到十個八個客,生意額自然大增,月尾一計數,佢哋成組人自然分得愈多,但咁樣殺雞取卵嘅方法,其實害人害己,絕對要正視!

地點:中山

語錄:殺雞取卵,擺明搵笨。

撰文:小德