比堅尼：+_+：早輪北京大規模掃黃，一口氣掃咗好幾間大型夜總會，而除咗發現佢哋有組織地介紹囡囡賣淫外，更發現當地嘅夜場以上「生理衞生課」為名，提供色情脫衣舞服務，聽起嚟真係幾盞鬼，如果我去到現場都好想上番一課，但可惜畀人掃咗，睇嚟有排都冇得翻身，要上呢啲咁有「教育」意義嘅課程，都唔知去邊處上好？
比加超：^v^：如果北京有呢啲「生理衞生課」上，一定係成行成市咁做，照計就唔只得四五間，就好似東莞嘅桑拿服務一樣，所以就算幾大嘅行動都好，一口氣掃咗十幾間又如何，都只係冰山一角，總有漏網之魚，所以儘管放心，上去搵啲冇熄燈嘅夜總會嚟捧場，相信「生理衞生課」一定長開長有，長有長做！
比嘉用：*~*：我反而奇怪夜總會老總們，點解會將脫衣舞服務改咗個名做「生理衞生課」？唔通囡囡一邊跳舞，一邊剝衫嘅同時，仲會逐個女性器官進行介紹，期間仲會用清潔用品嚟進行清潔嗎？定係當囡囡剝光豬後，佢會解釋吓乳房同陰道嘅構造，特別講解埋男士一定唔識嘅月事成因，咁就真係名副其實嘅「生理衞生課」啦！
比理鬧：$v$：我就話佢哋改名改得好，據講呢啲「生理衞生課」喺當地大受歡迎，其實脫衣舞表演好多地方都有，但反應冇北京咁好，原因就係個名太直接，而北京夜場就用「生理衞生課」嚟做招徠，客人抱住上堂學嘢嘅心態嚟睇表演，一啲色情成分都冇，而且仲可以凸顯自己好學嘅性格，不知幾咁正氣，所以想唔火紅都幾難。