講到最受男女歡迎嘅情趣玩具，相信電動情趣按摩棒一定係三甲之列。事關佢唔單止可以畀到女伴重要部位極大嘅刺激，並可透過極速震動帶嚟極大嘅快感。只係坊間有好多唔同種類嘅按摩棒，究竟邊種至受女性歡迎呢？美國就有性生活網站做咗個調查，睇吓邊種情趣按摩棒至受歡迎，唔知當中又係咪你嘅心頭好呢？
有人話G點好難搵，皆因每個女性嘅生理結構都唔同，有啲人G點嘅面積大啲，有啲則細啲，因此普通嘅G點按摩棒未必可以畀到佢哋充分嘅刺激。有見及此，呢支外形好似牙刷嘅按摩棒就應運而生。喺按摩棒嘅前端，附有一排以像真軟膠製成嘅刷頭，佢上面嘅一排細小凸點，不但可以畀到G點極大嘅刺激，而由於佢範圍大關係，故此可以讓玩家更方便、更快搵到G點，難怪唔少女用家，都對呢類按摩棒讚不絕口。
唔少按摩棒嘅棒身都係固定，唔能夠隨意屈曲，因此未必啱每個女性嘅需要，呢個時候點算好呢？為咗滿足需要，就出現咗呢種棒身具有彈性嘅按摩棒。以具有彈性嘅物料製成嘅棒身，方便玩家隨自己嘅喜好彎曲，不但使用者能更深入重要部位，畀到G點最大嘅刺激，更方便玩家抽動，唔使吓吓將隻手有咁低伸咁低之餘，亦方便佢哋用力。因為咁貼心嘅設計，呢類按摩棒成功打入三甲之列。
呢支按摩棒係咪好面善呢？冇錯，若然閣下係AV迷嘅話，就一定見過呢支出鏡率極高嘅按摩棒！皆因佢擁有可以轉動嘅棒端，方便玩家從唔同嘅角度，畀到全方位嘅刺激。此外，佢仲可以配搭唔同造型嘅棒端，畀到玩家唔同嘅刺激度同感覺，絕對係可玩性極高嘅作品！不過佢咁勁點解只能排名第三呢？原因好簡單，事關佢棒身太大，好難深入重要部位，呢點就稍為失色喇！
撰文：魂