波波池：*~*
早排睇新聞，話有個大專宅男因為玩裸聊，搞到畀人勒索。事緣佢同對方玩視頻時露械，對方聲稱Cap咗佢嘅露械相落嚟，若然唔畀錢佢嘅話，就會派通街咁話，結果搞到宅男要報警。查實裸聊有乜嘢好玩呢？條女就算有幾索，波哋又有幾咁玲瓏浮凸，但係睇得又唔玩得，快感都係只有靠自己，我就覺得好冇癮囉！
貓之女：^v^
裸聊吸引嘅地方，咪就係好似啲人以前玩聊天工具咁，唔知對方係乜水，等待視頻嗰陣時嘅刺激性囉！因為喺未見樣前，你唔知道對方嘅樣貌同身材，究竟係點嘅樣，若然對方樣靚身材正，你話係咪好興奮先？更何況裸聊有度好，就係可以叫條女剝衫兼擺出火辣嘅甫士，有啲據講着埋情趣內衣嚟玩都得，你話幾咁刺激呀！
風流傻俠：#o#
我都聽過有朋友玩裸聊，當然佢係睇嗰個而唔演出嗰個啦！聽佢講裸聊好多係要畀錢同入會，要先成為會員至有得睇。如果唔係會員嘅話，個囡囡咪即係冇錢收？你話對方會唔會咁順攤，真係會剝衫畀你睇先？更何況就好似以前嘅情色電話咁，對方有咁耐就拖你咁耐，點都唔會咁快到戲肉，如果按分鐘計錢嘅話，條數真係好襟計。
忍一時：@o@
其實呢個故事嘅重點，係在於電腦係有Cap相嘅功能，咪以為喺網上做乜都得呀！試諗吓，如果對方真係有心陰你嘅話，想將你嘅相留落嚟有幾咁難呢？最慘就係畀人Cap咗都唔知，到時對方唔係問你攞錢，而係一聲唔該網上勁傳。為咗鹹一鹹濕搞到咁麻煩，你話幾咁唔抵呢？