自從日本出現咗第一代虛擬美少女偶像初音未來後，各個美少女虛擬偶像即推陳出新，好似呢位嚟自日本樂園m.o.v.e嘅Lily咁，就係其中一個擁有超人氣實力嘅虛擬偶像。Lily不但擁有索爆嘅樣，更唔介意行性感路線，叫粉絲點可能唔鍾意呢？
鍾意唱Rock歌嘅Lily，外形不但性感，其衣着更係Rock味十足，今次更以搖咪嘅造型登場，正好脗合佢Rock妹嘅形象。當然，行開性感路線嘅佢，模型當然肉感十足啦！Bra-top嘅舞衣露出佢條迷人蛇腰之餘，迷人嘅車頭燈更係養眼，襯埋佢條迷你裙，修長美腿輕易捕捉大家嘅眼睛，配合埋支座地咪同腳踩皮篋嘅甫士，不但極富動感，而且仲相當有氣勢。Lily嘅粉絲又點可以唔將佢帶返屋企呢？
全高：約200mm
售價：約HK$741
暫定發售日期：2012年8月
撰文：魂