播種特攻：唔使着晚裝 桑拿囡囡認真爽

所費不菲

大家有所不知，一啲大型嘅夜總會，囡囡係要着晚裝見人，一套度身訂造嘅晚裝，最少都要成千銀，一般夜場最少都要囡囡做兩套，即係要唔見兩千銀至開到工，而且除晚裝之外，仲要買手袋、內衣、高踭鞋嚟配合，就算唔買名牌貨，呢度又會唔見成千，加上每晚要整頭同化妝，單係呢筆錢都唔講得笑，何況囡囡落班後，一般都會留低套衫喺夜場，夜場就會收所謂晚裝保管費，有時加埋洗熨費用，一個月最少又唔見幾百，所以單係制服嘅使費都已經不得了，囡囡嘅收入自然會大打折扣。

影響收入

但桑拿場嘅囡囡，雖然都係要自掏腰包買制服，但就算整套最貴嘅主任套裝，都係幾百蚊就搞掂，有時啲泳裝或者Cosplay制服，價錢都好平，買多幾套替換都唔會太肉痛，而且又唔使買啲乜嘢手袋飾物等配件，只要買對高踭鞋就見得人，而且清潔同保養都好容易，放落洗衣機洗就得，唔似晚裝一定要乾洗，單係洗套衫嘅錢都已經有天壤之別，就算桑拿場隔幾個月換制服，佢哋都冇所謂，因為冇直接影響到收入，難怪囡囡情願留喺桑拿場搵食，都唔想去夜總會開工啦，原來係咁解嘅。

地點：東莞

語錄：晚裝制服花費高，影響收入認真糟。

撰文：賢