日本每年都有不少水着新星，而今年最矚目嘅，大大話話都有十個八個，而有網友就以一眾新進水着女星做咗個調查，睇吓邊個今年出寫真集一定會買。結果顯示前三名嘅女優各有特色，我哋馬上逐一介紹吓！
初中三就喺電視節目演出嘅今野杏南，一直深受觀眾嘅喜愛，特別係睇住佢大嘅水着迷，事關今時今日嘅今野上胸已經有34F，係時候要向大家展露一下，而大家終於等到啦！喺上年二月今野拍咗佢首部嘅寫真DVD，一推出馬上熱爆全國，個個睇到流晒鼻血，所以網友十分期待佢會出埋寫真集，大好形勢一於唔好畀佢停！
年齡：23歲
三圍：34F-23-33
身高：156cm
佢最令人留意嘅地方就係畢業於堀越高中，事關娛樂圈唔少明星都喺呢度畢業，好似福田沙紀同埋三浦春馬，所以呢個師妹一畢業就被視為另一位走上娛樂圈嘅新人王，加上茱莉亞樣靚身材好，上圍有33E，只要動少少手腳已經有好震撼嘅效果，呢段時間只拍雜誌彩頁，已經令人暈晒大浪，所以網友極期待佢嘅寫真集面世。
年齡：22歲
三圍：33E-23-33
身高：155cm
三位中最年輕一位，原本係賽車女郎，同大浦麻美、北澤奈菜組成「Aile Girls」，最近才單獨發展，咪睇佢有34F身材，就以為佢胸大冇腦，原來佢讀書好叻，考得會計同電腦專業，而且英文仲講得誇啦啦，網友覺得佢年輕貌美，身材出眾之餘，仲好有知性美，所以深受網友嘅期待，希望佢推出寫真集以大飽眼福。
年齡：19歲
三圍：34F-23-33
身高：165cm
撰文：祖