今日介紹一位樣子十分清純嘅靚女畀大家認識，名字叫做劉凡菲，嚟自遼寧瀋陽嘅靚女模特兒，佢係喺成都讀書，所以有齊南北兩地美女嘅特質，爽朗之餘不失秀氣，清秀之中帶點風情，唔信大家可以睇吓佢嘅寫真，真係動靜皆宜，要純情有純情，要狂野有狂野，特別係凡菲好喜歡動漫作品，所以只要有機會畀佢Cosplay，佢都會作傾力演出，無論係戰鬥型定係可愛型都難佢唔倒，拍出應有嘅味道，所以深受網友嘅歡迎。佢嘅作品唔算太多，但點擊過嘅朋友就超過十萬以上，可見其人氣真係不容忽視，凡菲家陣除咗做模特兒之外，原來佢口才仲十分了得，所以間唔中都會客串做吓節目主持。希望佢做女主持嘅同時，千祈咪忘記拍多啲出位寫真，事關阿妹三圍出眾，如果咁就封盤收山唔只可惜，仲會令好多粉絲失望添。撰文：小德