老友聞言就擰晒頭話：「唔係呀！而係佢問我借錢呀！佢話佢細佬生意有問題，想問我借幾個嚟周轉喎！至弊我知道佢得大佬跟家姐，邊度有細佬呢？九成九佢賭錢輸咗，咪搵我借錢救急囉！」人就係咁㗎喇！如果女友或老婆問借錢，相信唔少人都願意，但係逢場作戲囡囡嘅話，唔好話幾個，幾叉嘢都要諗諗，尤其係嗰啲擺明係屈水嘅囡囡，就更係咪制！唔係話冇人情味，而係因為呢亭飯盒，佢哋私底下有幾多老細，真係只有佢自己最清楚。平時送啲平平哋嘅嘢都冇所謂，但講到借錢畀佢，同掟錢落海有乜分別呢？記住，出嚟玩，唔好擺真感情呀！
特攻語錄：出嚟玩講乜感情？最好畀錢鋪鋪清；借錢唔係講交情，借咗失蹤仲有剩？
撰文：馳力王