內地稱Online Game做網遊，呢種本嚟係一種深受男女喜愛嘅娛樂，竟然變成囡囡搵食嘅平台！話說濟南最近出現一隻網遊，遊戲本身冇乜特別，奇就奇在吸引咗唔少玩家爭住玩，原來當中有唔少囡囡，透過「悄悄話」功能，邀約玩家去爆房，難怪唔少玩家日夜狂煲啦！
呢個網遊查實冇乜特別，只係一般嘅啤牌遊戲，而呢類咁普通嘅網遊，真係多到十隻手都數唔晒！奇就奇在竟然吸引到唔少玩家日煲夜煲，唔通佢哋個個都係電玩迷？非也，只係因為呢個網遊度，有好多索女喺度搵食。原來呢啲囡囡利用網遊內嘅「悄悄話」功能，語言情挑男玩家。有啲囡囡同對方調咗一輪情後，就玩聊天視頻，露點玩色誘唔在講，更甚者，有啲大膽嘅囡囡，更會直接約玩家出嚟爆房。可能有人會問，囡囡嘅質素係咪高到可以吸引玩家上釣先？據經常喺網遊度搵食嘅玩家稱，嗰啲囡囡其實好多都係髮廊或倉仔囡囡，易搭上兼質素仲唔錯，故此吸引唔少捧場客。
囡囡約咗玩家出嚟爆房，就梗係激戰連場啦！唔少囡囡都相當敬業，不但出動私伙情趣內衣，部分更帶埋情趣玩具，好似震蛋同如意棒咁，令唔少玩家都喜出望外。囡囡之所以交足功課，除咗為咗討好玩家，希望能夠引到佢哋翻啅外，亦為咗滿足自己搵刺激嘅目的。有囡囡稱約網友曳曳，可以帶畀佢哋金錢收益之餘，最重要係畀到佢哋一種刺激感，尤其係同個素未謀面嘅玩家曳曳，嗰種事前嘅期待感相當吸引。不過有曾經同呢啲囡囡交手嘅玩家就提醒大家，記得事前傾掂數，否則見面先至嚟討價還價，咁就相當冇癮啦！
撰文：阿豪