正所謂眉目艷皎月，一笑傾城歡，能夠擁有一笑傾城者有幾人呢？大家唔好誤會小弟突然詩興大發，乃源自於失心瘋，不過亦所差無幾，因為小弟見到內地嫩模愛米莉嘅美貌之後，頓時神魂顛倒。上年出道嘅嫩模愛米莉其實只係將自己嘅洋名Emily直譯過嚟，名字夠晒簡單易記，而且大家只要見過阿妹嘅美貌，就會對愛米莉呢個名字印象深刻無比。愛米莉喜以日系金髮打扮見人，配合其美人胚子，真係大大增加吸引力，另一方面，阿妹佢拍寫真嘅時候注重唯美感覺，所以拍出嚟嘅作品令人驚艷，因此令愛米莉人氣激增。不過，個人認為愛米莉最吸引都係一副銷魂笑面，梨窩淺笑嘅時候甚有傾城之媚，真係令人暈晒浪呀。