眾所周知，內地唔少酒店都附設骨場，正骨場毋須多講，至於邪骨場一般都唔會批准囡囡離開骨場範圍，以免掃黃時連累整間酒店。不過，風平浪靜時就唔同，有酒店竟讓囡囡自由出入，霎時間將酒店變做冇掩雞籠，升降機更成為揀女性地。
據網友報料，廣西有多間星級酒店嘅桑拿場，由於生意麻麻，於是同酒店講數，希望可以做埋住客生意，只要客人一個電話打落嚟，囡囡就可以上房服務，酒店見呢期風平浪靜，於是膽粗粗開放畀囡囡自行上房，希望可以做多啲生意。
據網友話：「我因為工作去了廣西三日，入住嘅酒店入面，其中一層係邪骨場，客人要幫襯就可入去，然後安排你揀囡囡，再入房等開波，但我就最唔鍾意呢個環節，一來唔鍾意喺其他男人面前剝光豬沖涼，二來場內嘅房間，通常都有異味。」
咁又係，雖然酒店房都係晚晚有人大戰，但心理上點都覺得比桑拿房衞生好多，所以唔少客人都喜歡揀喺酒店房「工作」。另外，喺酒店房比喺桑拿場點都安全啲，加上唔怕畀熟人撞到，所以呢個服務一推出，就深受客人嘅歡迎。
網友更表示，佢哋揀囡囡嘅方法，認真特別，當客人致電骨場時，工作人員竟然會叫客人去升降機等一陣，當升降機門一打開，裏面就有最少四五個囡囡喺度，任客選擇，如果揀唔啱，囡囡會落車立換另一批上嚟，如果當中有心頭好，就可即刻叫佢入房。
老實講，呢種揀女方式，真係好少見，事關升降機不停上上落落，車立內總會有其他住客使用，大家都知，骨場囡囡嘅衣服，一定唔會密實，佢哋低胸露底，秀色可餐，畀住客睇到，唔怕出事咩？據網友講，原來係骨場老總專登要咁做，就係想畀其他男住客發現，咁佢哋一定知道呢間酒店別有洞天，當夜闌人靜，自然會忍唔住致電幫襯。至於有女客嘅時候，囡囡就會唔入車立，轉搭下一班，就算真係逼埋一齊，都盡量少講嘢為妙。利用囡囡搭升降機上上落落嚟做宣傳，咁都諗到，服咗佢哋囉！
撰文：小德