有醫生未經許可，拖女做手術？爆，好爆，超爆，應該勁爆至真呀！但原來一山還有一山高，喺美國早有脫星帶埋男友入片場睇佢開工，阿妹甚至要求導演讓男友從旁協助。哈，難為佢男友睇女伴搞嘢又受落，呢啲係咪叫真愛呢？
愛令人盲目，令一樣不能接受嘅人和事都變到冇乜所謂，就好似脫星Laetitia咁，行內人都稱佢為「癲婆」，皆因阿妹入行以來，每次開戲都例必帶埋外行男友入片場。做乜？欣賞自己工作同時，更兼任助手，化妝整頭兼教路，係咪好癲呢？計我話癲者係男友至真，須知道要接受正印女伴做四仔脫星已係天下難事，更容許自己入場睇佢同其他男男女女打真軍，換轉係你又會點呢？細佬就冇咁嘅胸襟，所以咪唔夠癲囉！但Laetitia就非常享受呢種拍拖生活，阿妹認為可提升雙方感情喎！「要男友猜疑我每日工作，不如畀佢入場見證仲好啦！而男伴第一次見我上床後，佢就明白此乃純粹工作，工作以外至係真我，所以佢一啲都冇怪我，反而更愛我添！」假如要睇住心愛嘅人同人搞至體驗到真愛？細佬情願一世冇人愛囉！
雖然阿妹口口聲聲話男友仔唔介意，之不過有傳佢男友其實另有目的，入場睇女友搞嘢，純粹係對四仔工作取經，對熟習運作兼建立好人際關係之後，就會兜腳踢走Laetitia喎！當事人當然例牌否認，更揚言早就同男友協議，自己多做兩年脫星，一儲夠錢就開經理人公司，女嘅負責搵女，男嘅擔任接戲，各司其職，真係咁完美？有消息人士就爆料：「呢對所謂『情侶』根本就係合作夥伴，Laetitia同男友冇同居，雙方只扮情侶關係，希望得到行內外支持，他日可以自組公司榮升老闆！」嘩！若然屬實，阿妹果然深謀遠慮，細佬都要搵你學嘢至得囉！
出生日期：1988年1月30日
三圍：34C、25、35
身高：5呎6吋
撰文：祖