人慾搜尋器：最高狀態 — 雅桐

所謂人逢喜事精神爽，一個人行起運上嚟，都特別容光煥發。而內地模特兒亦有同樣情況，佢哋曝光率愈高，個樣唔單止愈來愈靚，散發出嘅氣質仲拾級而上，好似雅桐咁，最近工作日漸增加，身材狀態更攀上高峰！

來自哈爾濱嘅雅桐有別於一般同鄉女仔，膚色比較黝黑，但係剛剛好配合本身青春活潑又精靈可愛嘅樣子，仲散發出令人心情開朗嘅陽光氣息添！此外，雅桐骨骼夠幼，骨肉比例較均衡，所以整副身材睇落纖瘦，但係又唔會瘦骨嶙峋，加上上圍又有斤両，身材正到震。

最近，雅桐接拍嘅硬照工作愈來愈多，就係因為咁將阿妹嘅狀態谷晒出嚟，所以出品嘅硬照當中，可以睇到雅桐嘅艷光與日俱增，狀態處於最高水平！