暑期旺季殺到，正係淫業集團搵新血大好時機，每年河南大小酒吧例牌搵大學妹跳舞助興，但原來只屬表面，實情係利誘新女入行，行家更稱嗰啲酒吧女為戥腳妹！
想喺短短一個暑假賺快錢，不少妹豬都唔介意落酒吧陪飲，表面上好易賺，實情陪飲之餘仲要陪上床。有當地雞頭爆料，單係一個暑假賺嘅錢可等於全年三分一，所以賣淫集團都唔會放過呢個黃金檔期。雞頭解釋：「好簡單，有供有求，暑假多男人去酒吧飲酒作樂，同時又係啲大學妹放假，男人最鍾意新鮮嫩口，只要將佢哋拉埋，自然就有利可圖！」難怪賣淫集團以每小時一百至二百元拉攏囡囡到酒吧陪飲，無非係想佢哋吸引人客入場玩。
雞頭更表明來者不拒，事關不少大學妹一心只去酒吧陪飲，由晚上十點開始飲到天光五點，一晚七小時，隨時可賺過千，若然全場有十條戥腳妹，賣淫集團豈非過萬皮費？但雞頭解釋：「絕對毋須啲囡囡下海，只要佢哋見到其中一位姊妹上房，返嚟平安無事，就會心郁郁去馬，一晚唔去，三日內必定主動接客。」因此雞頭話只需要控制每晚戥腳妹數量，同時安排一兩位「師姐」出出入入，呢班囡囡必會上釣。
另一方面，玩家亦非常清楚酒吧有嘢搞，原來喺酒吧門外出現幾位男雞頭，人客就自自然知道場內有戥腳妹，當入場後可同侍應要求邊位戥腳妹招呼，到有需要時就可對門外雞頭提出上房要求，由於囡囡嫩口，叫價會比夜總會高，平均要千二人仔一劑，不計過夜，雞頭更稱嗰班戥腳妹一晚最少可接五十個客，周末過百亦不足為奇！難怪百幾元一個鐘請一位零工作經驗嘅大學妹都未驚過啦！
撰文：祖