做玩家最慘情嘅地方係乜？唔係冇銀両，而係返到屋企要交功課！話說早排收到老友電話，問我有邊隻補藥使得。須知道呢位老友，佢經常北上尋歡，咁樣玩法又難怪佢咁快就已經抬唔起頭。點知老友話唔係咁嘅原因，一切都係佢條女累事！原來老友條女啱啱三十出頭，正所謂女人三十如狼，四十似虎，幾乎每晚都要佢交功課，先至畀佢瞓覺，尤其係老友借詞北上出差嗰幾日，臨行前同返嚟後，都要老友補課，否則就嚟個家嘈屋閉。
老友為咗唔畀女友發現，梗係有咁多貨就派咁多貨啦！點知喺上面畀啲囡囡榨乾榨盡，返到嚟又畀女友吸乾，唔怪之得佢搞到要食補藥。我問老友既然女友查得咁緊，點解佢仲要去滾。佢理直氣壯咁話：「過咗咁多年，女友幾多條毛我都知，一啲新鮮感都冇。不過囡囡就唔同，鍾意可以啅呢個，鍾意又可以搞嗰個，不知幾咁刺激，呢啲至叫做生活嘛！」呢啲咪就係要滾唔要命囉！
撰文：大軍