自從進入互聯網時代，大家嘅生活開始出現好大變化，變得更方便，更舒服。透過網上聊天軟件，人與人之間距離仲大大拉近。而網上交友網站facebook出現之後，更令大家了解加深。小弟我都有一個FB帳戶，本身係諗住靠佢嚟結識女仔。不過，開戶以來鮮有女網友Add我，我思前想後都諗唔到有咩問題。然而，睇完美國一個報告之後就明白係自己嘅Profile相有問題。報告搵到7,000位年齡介乎18至30歲嘅網友Profile相片畀人評分，發現女性面向鏡頭扮風騷嘅評分甚高，至於男性雙眼唔望鏡頭扮Chok樣，評分亦好高。而報告仲點出一個情況，就係如果某好友嘅Profile相一格係空白咗一段時間，然後某一日上載一張有型（男性）或性感（女性）嘅相片，就會突然極速吸引到好多人主動同佢傾偈。睇嚟，我張攬住毛公仔嘅Profile相係時候收埋喇！