每當有重要嘅比賽，都會搵嚟樣靚身材正嘅啦啦隊，齊齊吶喊助威嚟打氣。不過美國就有隊與別不同，皆因永遠唔會喺運動場度，反而出現喺玩家嘅床邊。原來呢隊啦啦隊專門為啲床上缺乏自信嘅男士打氣，等佢哋重振雄風，表現得更加勇猛。為咗達到呢個目的，佢哋更會出口又出手，務求令玩家玩得更加盡興！
呢隊名為「The Best on the Bed Cheerleaders」屈指一算，原來已經成立咗五年，但佢哋卻從未喺公開場合表演過，皆因佢哋並非一般嘅啦啦隊，而係專門為男士喺床上曳曳時，吶喊助威嘅啦啦隊。可能有人會問，又唔係皇帝寵幸後宮，亦唔係性鬥士玩大亂鬥破紀錄，使唔使出動到啦啦隊咁誇呢？
據呢隊啦啦隊嘅創辦人，前人氣四仔女星Jesse Royal表示，成立呢隊啦啦隊嘅目的，其實係為咗讓男士喺床上，更加有自信。佢解釋：「以我多年同男士交手嘅經驗所得，發覺男士最鍾意喺人哋面前，表現出自己最具自信嘅一面。另一方面，當有其他人在旁觀戰嘅時候，佢哋嘅表現會更勝一籌，故此我就諗到不如組織一隊色慾啦啦隊，可以為一啲床上缺乏自信嘅男士，提供臨床打氣服務。」
為咗燃起男士嘅鬥志，同埋激發佢哋嘅自信心，呢班啦啦隊員都係經過精挑細選。除咗有嚴格嘅樣貌及身材要求外，佢哋平時嘅訓練，亦同一般啦啦隊差唔多，好似拉筋、翻滾、騰空、排舞等，樣樣都做到足，務求有效地為男士打氣之餘，仲帶畀佢哋視覺上嘅享受。
唔好以為呢班啦啦隊員，只係識得喺床邊搖旗吶喊。原來佢哋除咗會喺床邊叫口號，同埋跳舞助興外，玩家如果鍾意嘅話，仲可以誠邀佢哋上床，實行嚟個床上版搖「旗」吶喊添！有啲玩家就係因為睇中呢啲啦啦隊隊員夠高質，特登搵佢哋返嚟切磋床技。玩家只需喺預約服務時，講明想直接同啦啦隊員曳曳，到時候呢班索爆啦啦隊，識得上床打番場友誼波之餘，仲會邊玩邊幫你打氣。Jesse就認為，如果想玩得夠過癮嘅話，最好梗係嗌多個啦啦隊員，然後嚟個三人混戰，咁就可以邊同樣靚身材正嘅啦啦隊員曳曳，邊享受臨床打氣服務嘞！
雖然講到咁過癮，但係有個人喺床邊睇住你，同個囡囡交手，唔多唔少都會覺得尷尬喎！不過有曾經同呢班出得廳堂上得床嘅啦啦隊交過手嘅玩家表示，絕對唔會出現咁嘅情況。事關呢班啦啦隊員相當識得搞氣氛，加上喺埋牙前，佢哋會先同玩家交流一番，等大家有一定認識後，先至會同玩家上床較技，咁樣玩起嚟就更加投入。
既然呢種玩法咁過癮，唔知收費點計呢？睇真啲，原來一啲都唔平。事關每位啦啦隊員每半個鐘嘅收費，就要成兩百美金，折合約為千五港元。至於曳曳價方面，則盛惠四百美金，約為三千港元。如果打孖上嘅話，即係乘以二，閒閒地要成九張金牛，真係唔講得笑！
撰文：阿豪