潤滑油主要用於提升性事歡愉中，原來仲可以用嚟搶嘢！喺美國，脫星Melanie Rios就試過畀淫賊用潤滑油搶胸圍，結果令阿妹濕身飛釘報警，尷尬到想搵窿捐喎！
天下無奇不有！據Melanie Rios講，被搶嘅胸圍並非新買喺手袋中，而係着住喺身上嘅胸圍。原來事發當日，Melanie Rios戴住一個螢光粉紅嘅胸圍，外面只有一件白色小背心去「濕平」，單係幻想已夠誘惑，結果，當晚回家途中就被淫賊從後照頭淋潤滑油，然後「啪」一聲就搶走胸圍。Melanie Rios解釋：「當時我手上一袋二袋戰利品，情況相當濕亂，個賊從後淋一啲透明液體，我起初仲以為係漒水，嚇到我大叫兼拋開手上所有物品，點知佢唔偷我啲嘢，走埋我身後，『啪』一聲解咗我胸圍扣，然後喺心口位置一拉，搶咗我胸圍就走。事後我至發現，原來嗰啲係平日床上用嘅潤滑油，搞到我件背心濕晒，因為冇咗胸圍保護，兩點若隱若現，兩個男警察嚟到現場，要求我用雙手按住心口免走光，情況不知幾尷尬！」其實走光對阿妹嚟講家常便飯啦，最主要係因為全身濕晒仲要被人搶胸圍火羅爆至真！
事件發生近半年，Melanie Rios表示尚未捉到「淫賊」，但佢就認為對方必屬男性之餘，更不排除係熟人所為。Melanie Rios話：「發生事之後，我就覺得係男優所為，事關賊人清楚我行蹤，其次對方除扣非常純熟，再加上佢使用潤滑油，種種迹象都似係男優所為。查實偷胸圍我一啲都唔驚，最怕係佢變態想劫色就大單！」吓，假如阿妹推斷男優係啱，咁劫色就微乎其微，皆因Melanie Rios你每日工作都同男優搞嘢，既然公然免費搞到你，又何需以身試法呢？好在Melanie Rios都蠢唔晒，自從搶胸圍事件發生後，阿妹經常有意無意喺鏡頭前玩胸圍，究竟佢係想引淫賊現身，抑或當宣傳？只有佢自己至知囉！
出生日期：1983年5月20日
三圍：33、23、32
身高：5呎2吋
撰文：祖