嗰日老友去完東莞返嚟，就即刻打電話畀我，約我出嚟吹水。見到老友語氣唔係咁好，就問佢發生乜嘢事。佢話因為工作關係，去嗰邊同個客傾嘢，夜晚咪同對方齊齊去夜總會，諗住開心吓囉！本嚟一切都好順利，事關大家都搵到心水嘅拍乸，全程摸摸揸揸過足手癮，而囡囡玩得又識氹大家開心，順理成章埋單各自攬女去下場啦！呢個時候媽咪突然走入嚟，話兩個囡囡亮緊紅燈，唔可以陪玩家出街喎！老友梗係慶過火屎，質問媽咪點解唔早啲講！
媽咪就話啱啱至知，仲叫玩家揀過第二個囡囡出街。老友一望媽咪再帶過嚟嘅囡囡，質素勁豬難食得落，仲谷多幾分氣！惟有轉場再玩，點知喺走廊卻見頭先陪坐嗰兩條女，齊齊翹住兩個內地老細嘅手臂出街。呢個時候老友至知，所謂紅燈係假，另有豪客訂咗佢哋至係真！老友見狀就拉媽咪嚟講，媽咪梗係死口都唔認，老友發誓以後唔再去呢個場玩！我雖然明白佢嘅心情，但又心諗：「邊個叫家陣香港玩家唔值錢喎！」
撰文：大軍