最近世界各地天氣都非常嚴寒，香港嘅聖誕節同元旦係就係寒冷，但係亦不及北京去到零下十度，此外，美國同英國唔少地方都受到暴風雪影響。而澳洲雖然正係夏天，亦都突然落雪，真係聽見都覺得凍呀！為咗令自己暖笠笠，甚至係熱辣辣，細佬我打算飛去美國賭城拉斯維加斯！唔係因為當地天氣較暖，而係佢哋嘅賭場入面有好多打扮性感嘅索女呀！
內地網友「班長姊妹」最近就去過當地玩樂，發現賭場入面裝修豪華之外，娛樂節目仲多不勝數！最令人注目就係舞台嘅鋼管舞表演喇！除咗舞蹈值得欣賞之外，埋枱玩兩手一樣有嘢睇！事關賭城女侍應一樣咁性感火辣，而賭枱更加有比堅尼女荷官派牌添！就算外面嘅天氣有幾凍，賭城入面都一樣覺得熱情澎湃啦！
撰文：豪