問：上星期我去東莞玩，上到去好多夜場都關咗門，搵咗好耐至搵到一間桑拿場有開，仲要由後門入，我起初唔知乜嘢事？以為係嚴打，追問底下至知嗰日係哀悼日，全國娛樂場所都要停業，只有佢哋偷偷地開，當我同技師入房之後，技師問我做乜咁大膽，今日都嚟幫襯？乜嗰日去玩要好大膽嘅咩？
答：你真係好彩，咁嘅日子北上尋歡都冇畀人拉到，否則後果真係不堪設想，因為好多北行老友事前都已經收晒風，話嗰日全國娛樂場所都會停業響應，由於各地方政府都極為重視，當日會派人四出巡視，如果有關方面發現有人違規營業，破壞中央規定，話明一定會嚴辦，而且仲話會罪加一等，好似你呢啲嫖友，平時行政拘留十五天，萬一咁啱畀佢哋捉到，就可能會加到拘留一個月，所以返上內地玩都要睇吓日子，咪盲頭烏蠅兩頭舂，以身試法，死咗都唔知發生乜嘢事呀！
撰文：小德